حمادة هلال يوضح موقفه من الجدل حول نسب المشاهدات

حلَّ الفنان حمادة هلال ضيفاً على منصة blinxnow، حيث تحدث عن الجدل الذي أُثير خلال الأيام الماضية بين الفنانين حول العمل الفني الأكثر للمشاهدةً في موسم دراما رمضان الحالي، كاشفاً موقفه من هذا الأمر وسبب عدم نشره أي شيء عن مشاهدات مسلسله "المدّاح 6". وقال حمادة هلال: "ممكن ألاقي في نجاح موجود على السوشيال ميديا بس على أرض الواقع مش موجود، تيجي تسأل الناس في البيوت طالما بيقعد يقولك أنت عملت وخايفين فدا النجاح". وعن سبب عدم ظهوره وحديثه عن تصدّره المشاهدات، قال حمادة هلال: "مش حاسس إنها لايقة عليَّ بيجيلك لحظة تقول ما تيجي نعمل فيديو تتكلم وعملت فيديوهات وأبصّ عليها أقول لا مش أنا فامسحها عايز تطلع تتكلم مش تتكلم تقول أنا أحسن واحد لكن قول نصيحة، بعدين قلت أنا مالي أدخل ليه خناقة أنا مليش دعوة بيها، إحنا لو متعلمناش من الناس اللي طلعنا واتربينا على نجوميتهم وشفنا قد إيه عملوا نجاح كبير مشفتش ولا واحد منهم طلع يقول أنا أفخم مسلسل ولا أفضل واحد ولا باخد كام كانوا بيخافوا يقولوا بياخدوا كام عشان محدّش يحسدهم". وأكد حمادة هلال أنه لا يحب نشر أرقام المشاهدات رغم أنه يمتلك الأرقام الحقيقية قائلاً: "وأطلع أنشر على السوشيال ميديا ليه؟ أنا مش عايز اتدخل في حاجة لأن اللي عملوا كده أصحابي وحبايبي وإخواتي ومن حق كل واحد يفرح بنجاحه وأنا بفرح لأن كل المشاهدات اللي بينشروها في الصور بلاقي "المداح" متصدّر فأقول ليه؟ رغم إن أنا عندي المشاهدات الأساسية الموجودة في كل القنوات ومش هقدر أقول بس أقسم بالله العظيم موجود إني ناجح".https://www.instagram.com/reel/DV31q3sjNLG/?igsh=ejVqbGt2NmtwOXEw حمادة هلال: لا ألوم أحداً على تصنيف نفسه بالأول وعن رأيه في ما حدث بين عدد من الفنانين، قال حمادة هلال: "مقدرش ألوم على حد، في حد منهم صاحبي وأخويا وعزيز عليَّ لكن مرضتش أكلّمه مستني الأمور تهدى أكلّمه، عمرو سعد فنان وعامل مسلسل جامد جداً وممثل تقيل، وأحمد العوضي حبيبي وصاحبي وعامل شخصية والناس بتحبه، و"الست موناليزا" مسلسل في البيت عندنا بيتفرّجوا عليه، وياسمين مسلسلها جميل، و"عين سحرية" الناس بتتكلم عنه، و"صحاب الأرض" دا مسلسل يُحترم، وأمير كرارة عامل مسلسل هايل، وماجد المصري وخالد الصاوي وأحمد عيد "ولاد الراعي" عاملين مسلسل هايل".